Foulas (Gallec)

Foulas, o poemario de Manoel Antonio nunca editado ata o de agora de forma independiente ve a luz na colección Dombate como obra autónoma con identidade de seu.

Manoel Antonio é o poeta galego da renovación, da modernidade e da vangarda. A súa obra está considerada un dos meirandes achados da poesía galega da primeira metade do século XX. O autor deixou este libro entre os seus inéditos e, posteriormente, Domingo García-Sabell incluíuno na súa edición da obra do poeta rianxeiro, publicada no ano 72 tamen por Galaxia. A colección Dombate recupérao para non perder unha obra que considera fundamental para un mellor coñecemento da poesía galega, unha obra que inflúe nos poetas de hoxe e configura unha poesía en continuo proceso de renovación e arrequentamento. A poesía de Manoel Antonio é coma unha fulguración, a loita do poeta cos límites da palabra. Foulas é un libro singular no que o autor comeza a experimentar coa disposición visual do texto en caligramas, no que xorde unha nova forma de concibir a paisaxe e que ofrece unha reelaboración orixinal da tradición popular.A obra de Manoel Antonio é unha das máis orixinais e anovadoras de toda a moderna tradición poética galega.