Nós, los del Makulusu' retrata una Angola en llucha pola independencia. Los protagonistes, de piel distinto y contradictorios nes sos posiciones ideolóxiques, alcuéntrense separaos anguaño, masque nel pasáu tuvieren uníos por una gran amistá. Los hermanos Mais-Velho y Maninho, de piel blanco, son fíos de colonos portugueses, Paizinho, el mediu hermanu mestizu, ye'l fíu del pá de Mais-Velho y Maninho con una angolana, y Kibiaka, de piel negro y fíu llexítimu del país, ye l'amigu fiel de los trés hermanos. Pasáu'l tiempu despreocupáu de la infancia y instaurándose la tensión de les lluches proindependencia, Maninho acaba ingresando nel exércitu colonial portugués, mentanto Paizinho y Kibiaka deciden actuar en favor del pueblu angolanu, el primeru na militancia clandestina y el segundu na guerrilla. La separación de los amigos na vida adulta, por mor de les diferencies ideolóxiques, concrétase al traviés de la muerte de Maninho, de la prisión de Paizinho y de la fuxida de Kibiaka, quedando malapenes Mais-Velho pa contar la historia de los individuos que se denomaran 'Nós, los del Makulusu'.